Akhlaaq

Akhlaaq aur hamara Deen e Islam.

Deen e Islam hamari zindagi ko khubsurat bnane k liye hume jis chizz ki naseehat krta hai wo hai achhe akhlaaq, Deen e islam hamari zindagi ko harr tarah se paakeeza bnata hai.

Deen e Islam Hamare soch ko paak bnata hai, aadat ko paak bnata hai aur hamari zindagi k harr marhalon pr hmko aisi naseehatein bhi krta hai jisko krne se hamari zindagi khushgawar bnn skti hai.

Inn hi naseehaton mein se ek naseehat hai achhe akhlaaq ka hona, Insaan ka Dil bara hi qeemti Hota hai aur iss Dil ko jeetna bht zaruri hota hai, ye Dil kisi daulat se nhi khareeda jaa skta lehaza iss dil ko sirf ek hi chizz khareed skti hai aur wo hai "Do Meethe bol".

Meetha bol achhe akhlaaq ka hissa hai, lehaaza iss zuban ki bol ko meetha kr len to hum saamne waale ka dil jeet skte hain.

Nabi akram SAW ki saari zindagi ek namuna hai achhe akhlaaq ka, Aap SAW ne apni zindagi mein kabhi kisi ko dukh nhi diya r naa kabhi kisi se koi badla liya, blke aap SAW ne unn logon pr bhi rehem r husn e sulook ka muzahira kiya jin logon ne aap SAW ko takleef di r aapke saath bura sulook kiya.

Surah Yusuf ek waqiya hai hazrat Yusuf AS ka jisko Allah quran mein irshad farmata hh, isme Allah ne btaya ki kis trh yusuf AS k bhaiyon ne Yusuf AS pr zulm o sitam dhaye, baap se alg kiya, kuen mein daala, kmm umri mein Yusuf AS ko baap k hote hue bhi yateemon ki si zindagi basar krni pari, pure waqiye k aakhir mein btaya ki jb Yusuf AS ko unke bhai mile r unho ne Yusuf AS se maafi maangi to Aapne achhe akhlaaq ka muzahira dikhaya r unko maaf kr diya.

Iss waqiye ko sunane ka maqsad yhi tha ki hmko harr pareshani mein r logon ki badsulooki k baad bhi apna tawakkul Allah ta'ala pr hi rakhna hh r Allah ki khaatir usko maaf kr dena chahiye.

Nabi kareem salallahu alaihiwasallam ne irshad farmaya ki kisi k aage jhukk jaane se (yaani sulah kr lene ya maaf kr dene se) tmhari izzat kmm hojaaye to qayamat k din mujhse le lena.

Ek jagah aap salallahu alaihiwasallam ne irshaad farmaya tm mein sbse behtreen shakhs wo hai jiske akhlaaq a'alaa hon.

Inn tamaam baaton ka khulasa e kalam yhi hai ki agr zindagi ko khubsurat bnana hai to hmko apne nabi k tareeqe pr aana hoga r hamare nabi ka tareeqa to yhi hai ki jo bura kre uske saath achha sulook kro.

Aaja sitamgar hunar aazmayen, tu teer aazma hum jigar aazmayen.

Allah hum sbko kehne sune se zyada amal ki taufeeq ata'a farmayen.